Атырау қалалық № 3 емханасының патронаждық мейірбикелік жұмыс жөніндегі жауапты маман Азина Апенова патронаждық медбикелерді емшек сүтімен емізу модуліне оқыту бойынша кезекті сабақ өткізді. Азина Хамитқызының айтуынша, ана  сүті - баланың денсаулығы мен өмір сүруін қамтамасыз етудің ең тиімді әдістерінің бірі . Емшек сүті-нәрестелер үшін тамаша тағам. Ол қауіпсіз, құрамы зиянсыз және көп аурулардан қорғауға көмектесетін антиденелерден тұрады. Емшек сүті нәрестені өмірдің алғашқы айларында барлық қажетті энергия мен қоректік заттармен қамтамасыз етеді.